Sumqayıtda avtomobilin konstruksiyasına müdaxilə edən sürücünün kimliyi məlum olub. Bu haqda 2 mart tarixində Sumqayıt24 Avtosfer.az-a istinadən məlumat verir.
50-EF-150 qeydiyyat nişanlı "Azsamand" markalı avtomobilin sürücüsü görünüş dairəsinə düşən şüşələrə plyonka vurub, xarici işıq cihazlarının iş rejimini dəyişərək sayrışan rejimə keçirib. O, həmin işıqlardan günün qaranlıq saatlarında istifadə edib. Sürücü operativ nəqliyyat vasitələrinə aid olan göy və qırmızı işıq siqnallarını alın şüşəsinə yerləşdirərək qayda pozuntusu törədib.
Yol polisi əməkdaşları tərəfindən sürücü Orxan Qənbərov saxlanılıb. Ona dəfələrlə xəbərdarlıq edilməsinə baxmayaraq, qazinin adından istifadə edərək onun avtomobili ilə qayda pozuntularına yol verib. Onun barəsində İnzibati Xətalar Məcəlləsinin 4 maddəsi ilə protokol tərtib olunub və toplanmış materiallar baxılması üçün məhkəməyə göndərilib.
Məhkəmənin qərarı ilə O. Qənbərov 4 gün müddətinə inzibati qaydada həbs edilib.
