Sumqayıt şəhərində yaşayış binalarının birində ciddi həşərat problemi yaşanır.
Sumqayit24.az-a daxil olan məlumata görə, 48-ci məhəllədə yerləşən 3 nömrəli evin girişlərini (bloklarını) qara həşərat bürüyüb.
Sakinlər bildirirlər ki, divarları və tavanı saran həşəratlar antisanitar vəziyyət yaratmaqla yanaşı, gündəlik həyatı da dözülməz edib. Vəziyyət o həddə çatıb ki, bina sakinləri evlərinə qonaq çağırmağa belə utanırlar.
Həşəratların mənzillərə də keçmə təhlükəsindən narahat olan sakinləri aidiyyəti qurumlardan ərazidə təcili dezinseksiya işlərinin aparılmasını və problemin aradan qaldırılmasını tələb edirlər.
