Saray qəsəbəsində dayanacağın quraşdırıldığı yer və piyada keçidinin vəziyyəti narazılığa səbəb olub.
Sumqayit24.az-a müraciət edən vətəndaş bildirib ki, Məhəmməd Əsədov küçəsində yerləşən dayanacaqlardan biri "Saray-H" MTK və "Jasmin Park" yaşayış komplekslərindən uzaqda quraşdırılıb. Onun sözlərinə görə, dayanacaqdan əsasən həmin yaşayış komplekslərinin sakinləri istifadə etsə də, onlar dayanacağa çatmaq üçün uzun məsafə qət etməli olurlar.
Sakinlərin digər problemi isə yolu keçməklə bağlıdır. Ərazidə "zebra" nişanlanması və piyada keçidi nişanı olsa da, vətəndaşun sözlərinə görə, xüsusilə axşam saatlarında sürücülərin əksəriyyəti piyadalara yol vermir.
Vətəndaş ərazidə vəziyyətin araşdırılmasını və təhlükəsizliyin təmin olunması üçün müvafiq tədbirlərin görülməsini istəyir.
