Sumqayıtda qazi ailələri, aztəminatlı, eləcə də çox uşaqlı ailələrə dəstək məqsədilə tədbir keçirilib. Bu barədə 15 sentyabr tarixində Qızıl Aypara Cəmiyyətinə istinadən xəbər veririk.
Yeni tədris ilinin başlaması münasibətilə keçirilən tədbir Abşeron-Xızı Regional Təhsil İdarəsi və Qızıl Aypara Cəmiyyəti Sumqayıt şəhər bölməsinin birgə təşkilatçılığı ilə həyata keçirilib. Burada adıçəkilən təşkilatların məsul şəxsləri iştirak ediblər. Tədbirin keçirilməsində məqsəd ehtiyacı olan ailələrə məktəbli çantaları və ləvazimatlarla dəstək olmaq olub. Yığıncaq Vətən uğrunda şəhid olan qəhrəmanlarımızın anılması ilə başlanılıb. Təşkilatçılar yeni tədris ilinin gəlişi münasibətilə şagirdləri təbrik edərək, dərslərində uğurlar arzulayıblar. Siyahı əsasında çantalar ehtiyaclı ailələrin uşaqlarına təqdim olunub. Ümumilikdə bu tədbirdən 50 uşaq bəhrələnib.
