Gənc cüdoçu Turan Rüstəmovu öldürən Ruslan Səfixanovun məhkəməsinin hazırlıq iclası keçirilib. Sumqayıt24 bu haqda 29 mart tarixində Report.az-a istinadən xəbər verir.
Bakı Ağır Cinayətlər Məhkəməsinin hakimi Rasim Sadıxovun sədrliyi ilə keçirilən prosesdə Ruslanın anket məlumatları dəqiqləşdirilib. Onun ittiham aktı ilə tanış olmadığına görə məhkəmə aprelin 11-nə təyin edilib.
Xatırladaq ki, hadisə ötən ilin noyabrında Şağan qəsəbəsində yerləşən idman arenasında baş verib.
Sumqayıt sakini, 21 yaşlı R. Səfixanovun mübahisə zamanı Yevlax rayon sakini, 16 yaşlı Turanı bıçaqlayaraq qəsdən öldürməsinə əsaslı şübhələr müəyyən edilib.
Ona qarşı Cinayət Məcəlləsinin 120.2.2 (qəsdən adam öldürmə, xuliqanlıq niyyəti ilə adam öldürmə) maddəsi ilə ittiham irəli sürülüb.
