Sumqayıt sakini 30 ildir “canlı işıqfor” kimi çalışır. Sumqayıt24 bu haqda 28 mart tarixində BakuTV-yə istinadən xəbər verir.
Həmin şəxs - Qulu Səlimov əslən Qubadlı rayonundandır. O, hər gün Lermontov və Bakı küçələrinin kəsişməsindəki işıqforun altında dayanaraq avtomobillərə yol göstərir.
Sakinlərin sözlərinə görə, sürücülər Quluya hörmət bəsləyir, onun dediyinə əməl edirlər:
“Qulu piyadaların və avtomobillərin hərəkətini nizamlayır. Həmçinin məktəbli uşaqlara, yaşlı adamlara yol açır. Qışda, yayda - hər zaman buradadır”.
