Şəhid baş leytenant Mikayıl Məmmədzadənin doğum gününə həsr olunan tematik gecə keçirilib. Sumqayıt24 bu barədə Regional Mədəniyyət İdarəsinə istinadən xəbər verir.
“Dostluq” Mədəniyyət evinin təşkil etdiyi “Şəhid qanı axmayan torpaqdan Vətən olmaz” adlı tədbir Nəriman Nərimanov adına Mədəniyyət Mərkəzində baş tutub. İştirakçılar arasında İcra Hakimiyyətinin əməkdaşı Eyvaz Qocayev, Mədəniyyət İdarəsinin əməkdaşı, “Şəhid Analarına Dəstək” İB-nin sədri, şəhid Əbdülməcid Axundovun anası Ceyran Həsənova və şəhidin yaxın qohumları iştirak ediblər.
Tədbirin bədii hissəsində Mikayıl Məmmədzadəyə həsr olunan səhnə canlandırılıb. “Qönçə” xor kollektivi və bədii özfəaliyyət kollektivinin ifasında vətənpərvərlik ruhunda mahnılar səsləndirilib.
