Sumqayıt daha bir şəhidini qarşılamağa hazırlaşır. Sumqayıt24 bu barədə 15 sentyabr tarixində xəbər verir.
Ermənistan silahlı qüvvələrinin törətdiyi genişmiqyaslı təxribatların qarşısının alınması zamanı şəhid olan Elnur Səmədovun nəşi İsmayıllı rayonuna aparılacaq. Daha sonra, axşam saatlarında Sumqayıta gətiriləcək. Şəhidimiz Sumqayıt Şəhidlər xiyabanında dəfn olunacaq.
XTQ leytenantı, 1988-ci il təvəllüdlü Elnur Sədaqət oğlu Səmədov sentyabrın 12-dən etibarən Ermənistan silahlı qüvvələrinin törətdiyi təxribat nəticəsində şəhid olub. Elnur həmçinin Vətən müharibəsi iştirakçısı olub.
Səmədov hərbi xidməti zamanı növbəti orden və medallara layiq görülmüşdür:
“Azərbaycan bayrağı” ordeni;
“Füzulinin azad olunmasına görə”;
“Cəbrayılın azad olunmasına görə”;
“Kəlbəcərin azad olunmasına görə”;
“Şücaətə görə”;
"Qüsursuz xidmətə görə";
“Xidmətdə fərqlənməyə görə” medalları.
