"Meltwater Champions Chess Tour" onlayn şahmat seriyasının səkkizinci mərhələsi başlayır. Bu barədə 13 oktyabr tarixində Sumqayıt24 xəbər verir.
Maqnus Karlsenin təşkil etdiyi "Aimchess Rapid" adlı turnir ayın 14-dən 21-dək keçiriləcək. Burada ümumilikdə 16 şahmatçı mübarizə aparacaq. Bunlar sumqayıtlı qrossmeyster Şəhriyar Məmmədyarov, norveçli Maqnus Karlsen, Niderland təmsilçisi Aniş Giri, Hindistan şahmatçıları Qukeş, Arcun Eriqaisi, Pentala Harikrişna, Vidit Santoş və Aditya Mittal, macar Riçard Rapport, polşalı şahmatçı Yan-Kşıştof Duda, özbək Nodirbek Abusattarov, Almaniya şahmatçısı Vinsent Keymer, ispan David Quyarro, isveçli Nils Qrandelius, Kanada təmsilçisi Erik Hansen və ABŞ şahmatçısı Daniel Narodskidir.
Qeyd edək ki, ümumi mükafat fondu 150 min dollar olan turnirin qrup mərhələsində ilk səkkiz yeri tutan şahmatçı “pley-off”a vəsiqə qazanacaq.
