Əksər Sumqayıt sakinlərini narahat edən məsələlər məlum olub. Sumqayıt24 bu barədə 8 sentyabr tarixində Xeberle.com-a istinadən xəbər verir.
İcra Hakimiyyəti yanında İctimai şuranın sədri Hümbət Quliyevin sözlərinə görə, daxil olmuş müraciətlər, əsasən, işsizlik, narkomaniya, sahibsiz itlər, şəhərdə yerüstü və yeraltı keçidlərin tikintisi, tibbi sığorta üzrə müalicələrin əlçatan olmaması, məktəb siniflərində olan izafi sıxlıq, şəhərdə yeni üslubda müasir kitabxanaların tikilməsi, "Göyərçin” abidəsinin yanından Bulvar istiqamətində ekskalatorun tikintisi, restoranlardakı musiqinin səsinin yüksək olması, Yaşıldərə massivində kanalizasiya problemi, pulsuz bələdiyyə çimərliyinin təşkili və ictimai nəqliyyatda olan çatışmazlıqlarla bağlıdır.
Qeyd olunub ki, hər qrup problemin araşdırılması üzrə məsul şəxslər təyin edilib.
