Saray qəsəbəsində yerləşən "Saray-H" MTK-dan şikayət var.
Kompleks sakini Sumqayit24.az-a müraciətində bildirib ki, burada minlərlə insanın yaşamasına baxmayaraq, uşaqların əylənməsi və vaxt keçirməsi üçün normal şərait yaradılmayıb. Onun sözlərinə görə, ərazidə uşaqlar üçün bir dənə də olsun yelləncək, sürüşkən və ya oyun meydançası yoxdur:
"Kompleksin daxilində setka ilə əhatələnmiş, mini stadiona bənzəyən bir sahə var. Lakin həmin ərazidə də uşaqların istifadəsi üçün lazımi şərait yaradılmayıb".
Şikayətçi hesab edir ki, çoxsaylı ailələrin yaşadığı kompleksdə uşaqların asudə vaxtını keçirməsi üçün ən azı sadə oyun meydançası yaradılmalıdır.
