Saray qəsəbəsində gecə vaxtı tikinti işlərinin aparılması narahatlığa səbəb olub.
Sumqayit24.az -a daxil olan məlumata görə, sakinlər sözügedən vəziyyətlə hər gün qarşılaşırlar.
“Səhər işdə oluruq, yalnız gecə dincəlməyə vaxtımız olur. Lakin tikinti işlərinin səsindən nə yata, nə dincələ bilirik. Uşaqlı ailələrə bu vəziyyət ikiqat çətindir”,- deyə vətəndaşlar bildiriblər.
Şikayətçilərin sözlərinə görə, bununla bağlı məsul şəxslərə müraciət olunsa da, heç kim məsələni həll etmək istəmir.
Vətəndaşlar aidiyyəti qurumlardan təcili tədbir görülməsini tələb edirlər.
