AQTA Saray qəsəbəsində fəaliyyət göstərən ticarət obyektlərində yoxlama keçirib. Bu haqda 19 sentyabr tarixində Sumqayıt24 agentliyə istinadən məlumat verir.
Həyata keçirilən monitorinq zamanı M.Əsədov küçəsində yerləşən "Tam" marketində qida təhlükəsizliyi qeydiyyatına dair çıxarışın olmaması, obliqat qrupuna daxil olan işçilərin ilkin və dövri tibbi müayinədən keçməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu və qida məhsullarının açıq şəkildə satışı və qablaşdırılmasına qoyulan tələblərə dair uyğunsuzluqla bağlı nöqsanlar müəyyən olunub.
Aşkar edilmiş nöqsanların aradan qaldırılması ilə bağlı icrası məcburi göstərişlər verilib.
