Sarayda elektrik dirəyi qəzalı vəziyyətdədir.
Sumqayit24.az-a daxil olan məlumata görə, bu hal qəsəbənin Üzümlük adlandırılan yaşayış massivində müşahidə olunur.
Sakinlərin məlumatına əsasən, dirək daxildən çürüyüb.
"Güclü külək əsəndə elektrik dirəyi yerindən tərpənir. Bunda əlavə, ərazidə avtomobillər saxlanılır, həmçinin uşaqlar da burada oynayır. Bütün bunlar nəzərə alındıqda, ərazi təhlükə mənbəyinə çevrilir. Dəfələrlə şikayət etməyimizə baxmayaraq, heç bir şey dəyişmir", - deyə şikayətçilərdən biri bildirib.
Vətəndaşlar aidiyyəti qurumlardan məsələ ilə bağlı təcili tədbir görülməsini tələb edirlər.
