Saray qəsəbəsi, 2 saylı məktəbin müəlliminin yayılmış səs yazısı ilə bağlı araşdırma aparılıb. Sumqayıt24 bu barədə 11 oktyabr tarixində Lent.az-a istinadən xəbər verir.
Təhsil oçağının 7ç sinfinin ingilis dili müəllimi Gülnarə Şahgəldiyeva səs yazısında Müəllimlər Günündə onu təbrik etməyən şagirdlərə və valideynlərə üsyan edir.
Abşeron rayonu Regional Təhsil İdarəsinə G. Şahgəldiyeva tərəfindən valideynlər qrupuna səs mesajı göndərərək Müəllimlər Günü münasibətilə pul tələb etməsi barədə məlumat daxil olub. Bununla bağlı araşdırma aparılıb, müəllimin izahatı alınıb.
Araşdırmanın yekun nəticəsi olaraq bildirilib ki, Gülnarə Şahgəldiyeva müəllimlərin etik davranış qaydalarını ciddi şəkildə pozmuş, valideynlərlə işgüzar münasibətlərə aid olmayan və müəllimə yaraşmayan ünsiyyət yaratmışdır. Ona Əmək Məcəlləsinin müvafiq maddəsi ilə sonuncu xəbərdarlıq edilmiş və şiddətli töhmət verilmişdir.
Daha öncə yayılan səs yazısı ilə bağlı məlumat vermişdik.
