Sumqayıt Dövlət Universitetinin Polimer Materialları İnstitutunun direktor müavini Fariz Əmirliyə məxsus "Bilev inşaat" şirkətindən şikayət var.
Məlumata görə, şirkətin ayrı-ayrı şəxslərə ümumilikdə 2 milyon manata qədər borcu yaranıb. Onların arasında tanınmış iş adamları da var.
İş adamı Nuhbaba Şıxıyev açıqlamasında bildirib ki, Fariz Əmirli ilə bağlı artıq Binəqədi Rayon Polis İdarəsinə şikayət ərizəsi ilə müraciət edib. F.Əmirlinin iş adamına 243 min dollar borcu var.
"Bir müddət əvvəl pulu məndən alıb. Birgə iş görəcəkdik. Ancaq indiyədək 243 min dollarımı geri qaytarmır. Mən də kimdənsə alıb ona vermişdim. Evimi satıb, həmin borcu qaytarmışdım. Onun bir neçə adama da borcu var", - deyə iş adamı qeyd edib.
Araşdırmalar davam etdirilir.
Mənbə: Unikal.az
