Sumqayıt Dövlət Universitetində "Karyera Körpüsü: Diplomdan Peşəkarlığa İlk Addım" adlı genişmiqyaslı karyera sərgisi keçiriləcək.
Sumqayit24.az xəbər verir ki, karyera sərgisi 21 may tarixində saat 10:00-dan 13:00-dək Sumqayıt Dövlət Universitetində baş tutacaq.
Sərgidə dövlət qurumları, agentliklər, aparıcı şirkətlər, müəssisələr və banklar iştirak edərək tələbə və məzunlara real iş və təcrübə imkanları təqdim edəcəklər.
Karyera sərgisində ziyarətçiləri 60-dan çox şirkətin vakansiyaları, təcrübə proqramları və iş imkanları ilə tanışlıq, HR nümayəndələri ilə birbaşa ünsiyyət, peşəkar əlaqələr qurmaq fürsəti, əmək bazarı ilə yaxından tanışlıq, karyera planlaması üçün yeni perspektivlər gözləyir.
Qeyd edək ki, karyera sərgisinə giriş sərbəstdir.
