Elm və Təhsil Nazirliyi ilə "Microsoft" arasındakı əməkdaşlıq çərçivəsində ali təhsil müəssisələrində vahid rəqəmsal ekosistem formalaşdırılır.
Sumqayit24.az xəbər verir ki, mərkəzləşdirilmiş yanaşma çərçivəsində Sumqayıt Dövlət Universitetində bütün texniki və təşkilati işlər tamamlanıb, "Microsoft" həlləri istifadəyə verilib. Digər ali təhsil müəssisələrində isə qoşulma prosesi mərhələli şəkildə davam etdirilir.
"Microsoft" platformasında təqdim olunan süni intellektəsaslı həllər, xüsusilə "Copilot" aləti müəllimlərə dərs planlarının hazırlanması, tədris materiallarının yaradılması, qiymətləndirmə və digər akademik fəaliyyətlərin daha səmərəli təşkili üçün əlavə imkanlar yaradır. Süni intellekt alətlərinin tətbiqi müəllimlərin iş yükünün optimallaşdırılmasına və tədris prosesinin keyfiyyətinin artırılmasına töhfə verir.
