Dövlət Neft Şirkəti (SOCAR) və “Sumqayıt Texnologiyalar Parkı” MMC-nin birgə şirkətinin rəhbəri dəyişib. Sumqayıt24 bu haqda 6 noyabr tarixində Banker.az-a istinadən xəbər verir.
“SOCAR-STP” MMC-nin yeni baş icraçı direktoru Azad Hüseynov olub. O, bu vəzifədə Fərid Ağayevi əvəz edib.
Qeyd edək ki, Azad Hüseynov 2023-cü ilin iyunundan STP-nin baş maliyyə inzibatçısıdır. Bundan öncə o, 8 ilə yaxın Azərbaycan Dəmir Yollarında çalışmış, onun son 3 ilini isə Strateji və İnkişaf Departamentinin direktoru olmuşdur.
