Bu gün, 28 oktyabr tarixində Sumqayıt Şəhər 1 nömrəli Uşaq gənclər inkişaf mərkəzinin üzvləri Bərdənin atəşə tutulması nəticəsində həlak olanların xatirəsinə həsr olunmuş tədbirdə iştirak edib.
rel="nofollow">APA-ya istinadən, tədbir Bərdə şəhərinin Bakı küçəsində qurulmuş xatirə lövhəsinin qarşısında təşkil olunub. Rayon rəsmilərinin, Bərdə sakinləri ilə yanaşı ölkənin müxtəlif bölgələrindən gələn insanlar da iştirak etdiyi tədbirdə Sumqayıtın Uşaq gənclər inkişaf mərkəzinin rəssamlıq dərnəyi üzvlərinin Bərdə terrorunu özündə əks etdirən rəsm əsərləri sərgilənib.
2020-ci il oktyabrın 27-si saat 16 radələrində Ermənistan silahlı qüvvələri tərəfindən Bərdə rayonunun Qarayusifli kəndi ağır artilleriyadan atəşə tutulmuşdur. 28 oktyabr saat 13 radələrində isə Bərdə şəhərinə kasetli bombalardan istifadə etməklə zərbələr endirilmişdir. Nəticədə 26 dinc sakin həlak olub, 80-dən çox şəxs yaralanmışdır.
