Sumqayıtda ictimai nəqliyyatda və taksidə yoxlamalar keçirilib. Bu haqda Sumqayıt24 rel="nofollow">APA TV-ya istinadən xəbər verir.
Bu səfər reydlər Zülfü Hacıyev küçəsində, yeni “Bravo”nun önündə ki yolda aparılıb. Polis əməkdaşları tərəfindən avtobuslar bir-bir dayandırılıb və sərnişinlərin tibbi maskadan istifadə qaydasına əməl etmələri yoxlanılıb. Qaydalara riayət etməyən sərnişinlər nəqliyyatdan düşürülüb. Maskadan istifadə etməyən taksi sürücüləri və ön oturacaqda əyləşən sərnişinlərə də protokollar tərtib edilib.
Həmçinin, toy mərasimləri təşkil olunan şadlıq sarayları yoxlanılıb. Bundan əlavə, Sumqayıt şəhər İcra Hakimiyyətinin başçısının birinci müavini Teymur Səmədov, polislərlə birlikdə iri ticarət mərkəzlərində və marketlərdə aparılan reydlərdə iştirak edib.
