Sumqayıtlı məktəblilər "Sizə Zəfər məktubu var" adlı layihəyə qatılıblar. Bu haqda şəhər Təhsil Şöbəsinin rəsmi saytında məlumat yayılıb.
Təhsil Şöbəsi, Azərpoçt MMC-nin Sumqayıt Poçt Filialı və 31 nömrəli tam orta məktəbin birgə təşkil etdiyi layihədə Təfəkkür liseyi, 2, 21, 29, 31, 35 və Qubadlı rayon H.Quliyev adına texniki fənlər təmayüllü Çaytumas məktəb-liseyi iştirak edir.
Burada şagirdlər "Zəfər günü" ilə əlaqədar olaraq ordumuzun əsgərlərinə, müharibə iştirakçılarına, qazilərə təbrik məktubu yazacaqlar.
1 ay davam edəcək layihədə yazılan məktubları ünvana Sumqayıt Poçt Filialının poçtalyonları çatdıracaqlar.
