Sumqayıtda Nəsimi adına mədəniyyət və istirahət parkında yeniyetmə və gənc rəssamların iştirakı ilə "Gənc qalib" adlı rəsm sərgisi keçirilib. Sərgi 44 günlük Vətən müharibəsinə həsr edilmişdir. Bu haqda Sumqayıt24.az 25 senytabr tarixində AZƏRTAC-a istinadən xəbər verir .
Gənclər və İdman Baş İdarəsi və Sumqayıt Dövlət Rəsm Qalereyasının birgə təşkil etdiyi açıq səma altında keçirilən sərgidə 20-yə yaxın əsər nümayiş olunub.
Sumqayıt Gənclər və İdman Baş İdarənin rəisi Elgün Hümbətov və Sumqayıt Dövlət Rəsm Qalereyasının direktoru Ellada Həsənovanın sözlərinə görə, sərginin gənclərdə vətənpərvərlik ruhunun yüksəldilməsi və istedadlı gənclərin aşkar edilməsində rolu mühümdür.
Sonda gənc rəssamlar diplom və hədiyyələr ilə təltif olunublar.
