Bu gündən etibarən Sumqayıtda 206 sərnişin avtobusunun hər birinə xüsusi ödəniş terminalları quraşdırılıb. Bu haqda Modern.az məlumat verib.
Sumqayıt Şəhər İcra Hakimiyyətinin mətbuat katibi Eyvaz Qocayev: "Bu gündən etibarən sərnişinlər gediş haqqını istənilən təmassız bank kartları və ya NFC texnologiyasını dəstəkləyən cihazlar vasitəsi ilə ödəyə bilərlər. Bank kartları olmayan sərnişinlər isə Visa Nəqliyyat kartlarından istifadə edə bilərlər. Həmin kartları avtobus sürücülərindən əldə etmək olar. Kartın balansını isə ödəmə terminalları vasitəsilə artırmaq mümkündür".
