Sumqayıt şəhər Ağsaqqallar Şurasının növbəti iclası keçirilib.
Sumqayit24.az xəbər verir ki, toplantıda 2025-ci ilin yekunları müzakirə olunub, 2026-cı il üçün qarşıda duran vəzifələr müəyyənləşdirilib. İclasda şəhər rəhbərliyinin nümayəndələri və müxtəlif qurumların təmsilçiləri iştirak ediblər.
Hesabatda ötən il ərzində həyata keçirilən abadlıq-quruculuq işləri, yaşayış binalarında dam və liftlərin yenilənməsi, "Acıdərə" kanalının boruya alınması, tullantıların emalı istiqamətində atılan addımlar qeyd olunub. Bildirilib ki, yaşıllıq əraziləri artırılıb və şəhərdə adambaşına düşən yaşıllıq sahəsi 27,2 kvadratmetrə çatıb.
2026-cı ildə yeni yaşayış massivlərində abad məhəllələrin salınması, sosial infrastruktur layihələrinin davam etdirilməsi, gənclərlə işin gücləndirilməsi və narkomaniyaya qarşı mübarizənin genişləndirilməsi əsas prioritetlər kimi müəyyən edilib. İclasın sonunda fəaliyyət proqramı qəbul olunub.
