Sumqayıtın ictimai nəqliyyatında maarifləndirici reyd keçirilib.
Monitorinq Sumqayıt Şəhər İcra Hakimiyyəti və Sumqayıt Bələdiyyəsinin əməkdaşları tərəfindən təşkil olunub.
Tədbir çərçivəsində marşrut avtobuslarına baxış keçirilib, sürücülərə sərnişinlərlə etik davranış qaydaları, yol hərəkəti təhlükəsizliyi, nəqliyyat vasitələrinin sanitar vəziyyətinin qorunması və xidmət keyfiyyətinin yüksəldilməsi ilə bağlı tövsiyələr verilib.
Reyd zamanı avtobusların salonlarının təmiz saxlanılması, havalandırma sistemlərinin işlək vəziyyətdə olması, oturacaqların və digər avadanlıqların istifadəyə yararlılığı da diqqət mərkəzində olub. Eyni zamanda sürücülərə sərnişinlərin təhlükəsiz daşınmasının onların əsas vəzifələrindən biri olduğu xatırladılıb.
Bildirilib ki, ictimai nəqliyyat vasitələrində təmizliyin qorunması və təhlükəsizlik qaydalarına ciddi əməl olunması həm sürücülərin, həm də sərnişinlərin rahatlığı baxımından mühüm əhəmiyyət daşıyır.
