“Media və informasiya savadlılığı” mövzusunda təlim keçirilib. Bu barədə 11 oktyabr tarixində Sumqayıt GİKM xəbər yayıb.
Heydər Əliyev Mərkəzində baş tutan görüşdə Sumqayıt gəncləri iştirak ediblər. Məqsəd media sahəsində maarifləndirmənin təmin edilməsi, saxta xəbərlərə qarşı mübarizə, sosial mediadan düzgün istifadə və media haqqında qanun barədə gəncləri məlumatlandırmaq olub.
Nəzəri hissədən sonra gənclər əldə etdikləri bilikləri interaktiv formada qruplarla tətbiq edərək saxta və yalan xəbərləri aşkar etmək, onlara qarşı mübarizə aparmağın yollarını öyrəniblər.
Qeyd edək ki, təlimə fasilitatorluğu “Media savadlılığı və gənclər” təlim kursunun iştirakçısı Taleh Bədəlov edib.
