Sumqayıt Gömrük İdarəsində 8 Noyabr – Zəfər Gününə həsr olunmuş tədbir keçirilib. Sumqayıt24 bu haqda 8 noyabr tarixində xəbər verir.
Qurumun rəisi Tariyel Alverdiyev bayram münasibətilə hər kəsi təbrik edib, 44 günlük Vətən müharibəsində qazanılan tarixi qələbədən danışıb. Mükəmməl strategiya və hərbi taktika ilə hazırlanan “Dəmir Yumruq” əməliyyatı, Azərbaycan Ordusunun və əsgərinin nümayiş etdirdiyi misilsiz qəhrəmanlığın dünya hərb tarixinə qızıl hərflərlə yazıldığı vurğulanıb.
Sonra rəşadətli ordumuzun 44 gün ərzində keçdiyi döyüş yolundan bəhs edən videoçarx izlənilib.
Tədbirdən sonra şəhid ailələri, qazilər və Vətən müharibəsi iştirakçıları, Sumqayıt Gömrük İdarəsinin kollektivi Şəhidlər xiyabanına gediblər. Vətən uğrunda canlarından keçən şəhidlərin məzarları üzərinə gül dəstələri düzülüb.
