Sumqayıt şəhərində ümumi sahəsi 240 kv.m olan ikimərtəbəli evdə yanğın baş verib. Bu haqda Fövqəladə Hallar Nazirliyi (FHN) məlumat yayıb.
Məlumata əsasən, hadisə şəhərin Yeni yaşayış massivi ərazisində qeydə alınıb. Yanğın evin birinci mərtəbəsində yeləşən mətbəxdə baş verib. Burada mətbəxin yanar konstruksiyaları və ev əşyaları 30 m² sahədə yanıb. Yüksək temperatur nəticəsində ikinci mərtəbədə 1 otağın pəncərə çərçivəsi qarsalanıb.
Əraziyə gələn FHN-nin yanğınsöndürənləri evin qalan hissəsini yanğından mühafizə ediblər.
