İtkin düşmüş hesab olunan şəhid Sumqayıt Şəhidlər xiyabanında dəfn olunub.
Mərasimdə şəhidin doğmaları, Sumqayıt şəhərinin vəzifəli şəxsləri, şəhər hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
Saat 12:17
Gəncə şəhərindəki Şəhidlər xiyabanında naməlum şəhid kimi dəfn edilən Birinci Qarabağ müharibəsində itkin düşmüş hesab olunan Yusif Məmmədovun meyitinin qalıqları Sumqayıt şəhərinə gətirilib.
Report.az-ın məlumatına görə, şəhidin nəşi Sumqayıtda ailəsinə təhvil verilib. Şəhidlə vida mərasimi keçirilib.
Qeyd edək ki, Yusif Məmmədov 1972-ci il iyunun 29-da Sumqayıtda anadan olub. O, 1994-cü il fevralın 2-də Kəlbəcər rayonunun Murovdağ istiqamətində itkin düşüb.
Y. Məmmədov Sumqayıt Şəhidlər xiyabanında dəfn olunacaq.
