Sumqayıt Kimya Sənaye Parkında investisiya portfeli 6 milyard manatdan çox olan 39 sahibkarlıq subyektinə rezidentlik statusu verilib ki, bunlardan da artıq 28-i fəaliyyət göstərir.
Sumqayit24.az xəbər verir ki, bu günə qədər Parka 5,6 milyard manat investisiya yatırılıb, 6300-dən artıq daimi iş yeri yaradılıb, 14,4 milyard manatlıq məhsul satılıb ki, bunun da bunun da 5,2 milyard manatlıq hissəsi ixracın payına düşüb.
Təkcə bu ilin I yarısında isə 1,1 milyard manatlıq məhsul satılıb ki, bunun da 545 milyon manatlıq hissəsi ixrac edilib. Ötən ilin eyni dövrü ilə müqayisədə ixrac 20%-ə yaxın artıb.
Parkda istehsal edilən tikinti kimyəvilərin, polad və polimer boruların, sürtkü yağlarının, polimerlərin, karbamidin, müxtəlif çeşiddə kabellərin, şüşə lövhələrin, keramik plitələrin və s. məhsulların ixracı istiqamətində uğurlar əldə edilib. Əsasən bu növ məhsullar dünyanın 70-dən artıq ölkəsinə “Made In Azerbaijan” brendi adı altında ixrac olunub.
