Sumqayıtda 16 nömrəli məktəbdəki şəraitsizlik valideynlərdə ciddi narazılıq doğurub.
Sumqayit24.az-a daxil olan məlumata görə, “16” nömrəli məktəbdəki sanitar qovşaqlar bərbad gündədir.
Görüntüdən aydındır ki, sanitar qovşaqların heç qapısı yoxdur. Bundan əlavə, sözügedən yer natəmiz vəziyyətdədir.
Valideynlərin məlumatına əsasən, bura mikrobların yuvasına çevrilib və şagirdlər təbii ehtiyaclarını ödəməkdə ciddi çətinlik çəkirlər.
Vətəndaşlar aidiyyəti qurumlardan məsələ ilə bağlı təcili tədbir görülməsini tələb edirlər.
