Saray qəsəbəsində küçələrdən birində yaranan vəziyyətin hərəkətə mane olduğu bildirilir.
Sumqayit24.az-a bu barədə qəsəbə sakinləri məlumat veriblər.
Vətəndaşların sözlərinə görə, Azadlıq küçəsində yolun bir hissəsinə inşaat materiallarının qalıqları tökülüb. Bildirilib ki, bu vəziyyət həm nəqliyyat vasitələrinin, həm də piyadaların hərəkətini çətinləşdirir, eyni zamanda ərazinin görünüşünə mənfi təsir göstərir.
"4-5 aydan çoxdur ki, ərazi bu vəziyyətdədir. Yolda qum, daş, torpaq nə desən var. Bunu qonşulardan biri edib. Yağış yağanda əraziyə dolan suların həyətinə sızmaması üçün belə bir addım atıb. Amma bu, yol iştirakçılarının hərəkətini çətinləşdirir", - deyə sakinlərdən biri iddia edib.
Vətəndaşlar mövcud problemin aradan qaldırılmasını xahiş edirlər.
