Sumqayıtda məktəblərdən birinin ətrafında yaranan vəziyyət narahatlıq doğurur.
Sumqayit24.az-a müraciət edən sakinlərin sözlərinə görə, 9 nömrəli məktəbin yaxınlığında müəyyən qazıntı işləri həyata keçirilib. Lakin ərazidə təhlükəsizlik tədbirləri lazımi səviyyədə qurulmayıb, qazılan sahə açıq vəziyyətdə qalıb, ətrafı da tam şəkildə hasarlanmayıb.
Yaxınlıqda məktəbin yerləşdiyini nəzərə alsaq, bu ərazidən hər gün çox sayda şagird və valideyn istifadə edir. Bu səbəbdən ərazidə təhlükəsizlik tədbirlərinin tam və operativ şəkildə görülməsi zəruridir.
Vətəndaşlar aidiyyəti qurumlardan təhlükəsizlik tədbirlərinin düzgün şəkildə həyata keçirilməsini tələb edirlər.
