Sumqayıtlı məktəblilərin dəfələrlə uğur qazandığı "Əlaçı" layihəsinin yeni mövsümü üçün qeydiyyat elan edilib.
Sumqayit24.az xəbər verir ki, televiziya layihəsinin yeni mövsümündə yalnız ümumi təhsil müəssisələrinin 9-cu sinif şagirdlərinin iştirakı nəzərdə tutulur. Müvafiq sinifdə təhsil alan şagirdlər qeydiyyatdan keçməklə seçim turunda iştirak hüququ əldə edirlər.
Seçim turu 25 aprel 2026-cı il tarixində Bakı şəhəri ilə yanaşı, 11 regionu əhatə etməklə ümumilikdə 12 şəhərdə eyni vaxtda təşkil olunacaq.
Qeyd edək ki, seçim turunda iştirak ödənişsizdir.
İştirakçılardan seçim mərhələsində yalnız şəxsiyyət vəsiqəsini təqdim etmək tələb olunur.
İştirak edəcək məktəblilərə uğurlar arzulayırıq!
