Sumqayıtda qeydiyyatda olan narkomanların sayı açıqlanıb. Sumqayıt24 bu haqda 7 sentyabr tarixində Report.az-a istinadən xəbər verir.
Narkoloji Dispanserdən bildirilib ki, müəssisənin qeydiyyatında 4806 narkoloji xəstə var. Narkotik istifadəçilərinin sayı isə 93-ü qadın olmaqla ümumilikdə 3418 nəfərdir.
Dispanserdə qeydiyyatda olan alkoqolizm xəstələrinin sayı isə 1397 nəfərdir. Onların 10-u zərif cinsin nümayəndəsidir.
Qeyd edək ki, narkoloji xəstələrin və narkotik istifadəçilərinin əksəriyyəti 20-40 yaş arasındadır.
