Sumqayıt Perinatal Mərkəzində lokal xarakterli yanğın baş verib.
Bu barədə Sumqayit24.az-a TƏBİB-dən məlumat verilib.
Məlumata görə, ötən gün saat 21:00 radələrində Sumqayıt Tibb Mərkəzinin nəzdindəki Perinatal Mərkəzin ikinci mərtəbəsində tavanda quraşdırılmış bakterioloji lampada lokal xarakterli texniki yanma halı qeydə alınıb.
Tibb müəssisəsi hadisədən qısa müddət sonra normal iş rejimində fəaliyyətini davam etdirib.
Hadisə nəticəsində xəsarət alan olmayıb.
