Sumqayıtda qəbul imtahanı modelinə uyğun sınaq imtahanı keçiriləcək. 13 fevral tarixində baş tutacaq imtahana qeydiyyat 2 fevral saat 23:59-dək aparılacaq. Bu haqda Dövlət İmtahan Mərkəzinin rəsmi Facebook səhifəsinə istinadən xəbər veririk.
Belə ki, III ixtisas qrupu üzrə imtahan vermək istəyənlər “DT” və ya “TC” altqrupu üzrə imtahan vermək istədiklərini qeyd etməlidirlər. Hər iki altqrup üzrə özünü sınamaq istəyən şəxslər isə 13 fevralda Azərbaycan (rus) dili, tarix və ədəbiyyat, 20 fevral isə əlavə olaraq coğrafiya fənni üzrə imtahan verəcəklər.
Sınaq imtahanına qeydiyyatdan keçmək üçün linkə daxil olmaq olar.
