Zabrat-2 dəmiryolu stansiyasında vətəndaşın liftlərin işləməməsi və keçidlərin fəaliyyətsiz olması səbəbindən Sumqayıt istiqamətində hərəkət edən sürət qatarını qaçırması ilə bağlı görüntülər yayılıb.
Manset.az-ın məlumatına görə, bununla bağlı görüntülər sosial şəbəkələrdə geniş müzakirə obyektinə çevrilib.
Vətəndaş problemlə əlaqədar iradını stansiya işçisinə də bildirib. Onların arasında problemlə bağlı mübahisə yaranıb.
Qeyd edək ki, "Azərbaycan Dəmir Yolları" (ADY) ilə bağlı bu cür narazılıqlar son vaxtlar tez-tez gündəmə gəlir. Xüsusilə, dəmiryollarına məxsus bir sıra stansiyalarda keçidlərin işləməməsi, bank kartlarında gediş haqqı ödənişi prosesində yaranan saysız-hesabsız problemlər, qatarların fəaliyyətsizliyi ilə bağlı şikayətlərin ardı-arası kəsilmir.
