Sumqayıt Regional Mədəniyyət İdarəsinin rəisi Rəşad Əliyev müşavirə keçirib. Bu barədə 2 avqust tarixində adıçəkilən idarəyə istinadən xəbər veririk.
Tədbir Tarixi Muzeydə baş tutub. Yığıncaqda idarənin tabeliyində olan bütün müəssisə rəhbərləri iştirak ediblər. R.Əliyev yeni iş mövsümünün və tədris ilinin başlanması münasibətilə müşavirə iştirakçılarını təbrik edib. O, regional idarələrin rəislərinə verilən tövsiyə və tapşırıqları müəssisə rəhbərlərinin diqqətinə çatdırıb. İdarə rəisi artıq cari ildən hər bir müəssisənin iş effektivliyinin Əsas Effektivlik Göstəriciləri (KPİ) üzrə dəyərləndirildiyini bildirərək, müəssisələrin qarşısına qoyulan məqsəd və hədəflərə çatma dərəcəsinin müəyyən edilməsi üçün aparılacaq monitorinq və təhlillərdən, bu müddət ərzində görülmüş işlərdən, nöqsan və çatışmazlıqlardan danışıb.
