Sumqayıt şəhərindəki "Bağça Şəhər" yaşayış kompleksinin yaxınlığında fəaliyyət göstərən müəssisədən gələn səslər ərazidə yaşayan sakinlərin narazılığına səbəb olub.
Bununla bağlı Sumqayit24.az-a müraciət edən vətəndaşlar bildiriblər ki, müəssisədə iş prosesi gecə saatlarında da davam etdirilir. Oradakı avadanlıqların yaratdığı səs insanların normal istirahət etməsinə mane olur.
Sakinlərin sözlərinə görə, səs xüsusilə gecə saatlarında daha aydın eşidilir və bu vəziyyət azyaşlı uşaqların, yaşlı insanların, həmçinin səhər işə gedən şəxslərin yuxu rejiminə ciddi təsir göstərir.
