Sumqayıt şəhərində yeni marşrut xətti yaradılıb.
Sumqayit24.az xəbər verir ki, əvvəllər yalnız Sumqayıt–Ceyranbatan istiqamətində hərəkət edən 9 nömrəli marşrut xətti yenilənərək fəaliyyət dairəsi genişləndirilib. Artıq bu xətt Sumqayıt–Ceyranbatan–Saray- Sumqayıt marşrutu üzrə sərnişinlərə xidmət göstərəcək.
Yeniliklə yanaşı, sərnişinlərin rahatlığı üçün əlavə olaraq 9A nömrəli marşrut xətti də istifadəyə verilib. Yeni xətt Sumqayıt- Saray–Ceyranbatan–Sumqayıt istiqamətində hərəkət edəcək.
Xatırladaq ki, redaksiyamıza müraciət edən “Saray MTK”nin sakinləri “522” və “523” nömrəli avtobusların fəaliyyətindən narazılıqlarını, Sumqayıta getməkdə çəkinlik çəkdiklərini bildirmişdilər.
9 və 9A avtobusları isə məhz “Saray MTK”nın önündə keçir. Bununla da vətəndaşların nəqliyyat problemi həll edilmiş sayılır.
