Sumqayıt Dəmir Yolu Vağzalının ətrafında bir sıra problemlər mövcuddur.
Sumqayit24.az xəbər verir ki, xüsusilə axşam saatlarında vağzalın önündə çox sayda taksi və fərdi avtomobillər parklanır. Bu isə öz növbəsində marşrut avtobuslarının əraziyə daxil olmasını, sərnişinlərin nəqliyyata minib-düşməsini çətinləşdirir.
Həmin parklanmış avtomobillər səbəbindən insanlar avtobusları dayanacaqda yox, yolun maşınların hərəkəti üçün nəzərdə tutulmuş hissəsində gözləməli olurlar.
Şikayətçilərin sözlərinə görə, yaxınlıqda olan şadlıq sarayında toy məclisi olanda vəziyyət daha da ağırlaşır. Belə ki, toya gələn qonaqlar da avtomobillərini ərazidə park edərək yolu keçilməz hala salırlar.
Həmçinin Sumqayıt Dəmir Yolu Vağzalından başlayaraq Koroğlu prospektinədək yolun kənarında piyada səkisi yoxdur.
