9-cu məhəllədə baş verən yanğın ilk deyilmiş. Sumqayıt24 bu haqda 29 mart tarixində BakuTV-yə istinadən xəbər verir.
Xəbər verdiyimiz kimi, dünən axşam 9-cu məhəllədə, üçmərtəbəli yaşayış binasının qarşısında üç şam ağacı yanıb. Alov FHN-in əməkdaşları tərəfindən söndürülsə də, sakinlər hələ də narahatdırlar.
Onların sözlərinə görə, məhz burada təxminən son 1 ay ərzində daha iki yanğın olub:
“İlk yanğın fevralın 26-da qonşunun qarajından başladı. Əmlakı yanıb kül olmuşdu. İkinci hadisə olanda tez çatdıq, alışmağa qoymadıq”.
Əlavə edilib ki, sonuncu yanğında alovun qarşısı vaxtında alınmasa idi, qarajda partlayış ola bilərdi.
