Sumqayıt şəhərində əmək yarmarkası təşkil olunub.
Sumqayit24.az xəbər verir ki, Kimyaçı Mədəniyyət Sarayında keçirilən yarmarkada 28 müəssisə iştirak edərək ümumilikdə 154 boş iş yeri təqdim edib.
Vakansiyalardan 124-ü peşə tələb edən, 30-u isə ixtisaslı sahələr üzrədir. Təklif olunan iş yerlərində əməkhaqqı minimum 400 manat, maksimum isə 1200 manat təşkil edir.
Sərgilənən vakansiyalar sırasında çilingər, elektrik, operator, satıcı kimi peşə sahələri ilə yanaşı, ali təhsil tələb edən satış təmsilçisi, mühasib və digər ixtisaslı vəzifələr də yer alıb.
