Sumqayıt şəhərinin Hacı Zeynalabdin qəsəbəsində baş verən bıçaqlanma hadisəsi ilə bağlı bəzi detallar məlum olub.
Məlumata görə, Dədə Qorqud küçəsində yerləşən fərdi yaşayış evlərindən birində 71 yaşlı Nadir Novruzov aralarında yaranan mübahisə zamanı 28 yaşlı oğlu Təhmasib Novruzova bıçaqla xəsarət yetirib.
Yaralı qarının ön divarının kəsilmiş-deşilmiş yarası diaqnozu ilə xəstəxanaya yerləşdirilib. Ona ilkin tibbi yardım göstərilib. Hazırda Təhmasib Novruzovun vəziyyəti orta ağır qiymətləndirilir.
Hadisəni törətməkdə şübhəli bilinən 71 yaşlı Nadir Novruzov polis əməkdaşları tərəfindən saxlanılıb.
Qonşuların sözlərinə görə, ailə ərazidə sakit və mehriban ailə kimi tanınıb. Onlar bildiriblər ki, hadisənin baş verməsinə səbəb Təhmasib Novruzovun evə gec saatlarda gəlməsi ilə bağlı atası ilə yaranan mübahisə olub. İddialara görə, Nadir Novruzov bu məsələyə görə oğluna dəfələrlə irad bildirib. Faktla bağlı Sumqayıt Şəhər Polis İdarəsində araşdırma aparılır.
Video: Baku TV
