Sumqayıtda marşrut avtobusu yük maşını ilə toqquşub.
Bu barədə Qafqazinfo.az-a Baş DYP İdarəsinin rəsmisi, polis polkovnik-leytenantı Mübariz Ağayev məlumat verib. Bildirilib ki, hadisə Bakı-Quba yolunun 48-ci kilometrliyində baş verib.
“50-AE-761” dövlət nömrə nişanlı 3 nömrəli marşrut avtobusu dönmə manevri edərkən yük maşını ilə toqquşub.
“Avtobusun sürücüsü Emin Barat oğlu Fərəcov körpü üzərində geridönmə əməliyyatı edən zaman Şahin Akif oğlu Güləliyevin idarə etdiyi 60-AC-496 dövlət nömrə nişanlı "Mercedes Axor" markalı yük maşını ilə toqquşub.
Avtobus sürücüsü əsas yoldan gələn yük maşınını gözləməyib, yük maşının solunda nəqliyyat vasitəsi olduğu üçün sola hərəkət edə bilməyib və qəza qaçılmaz olub. Hadisə nəticəsində xəsarət alan olmayıb”, - rəsmi məlumatda qeyd edilib.
