Sumqayıtda prospektlərdən birində asfaltlanma işlərinə başlanılıb.
Məlumata görə, Koroğlu prospektinin köməkçi hissəsində asfalt örtüyünün salınması işləri həyata keçirilir.
Qeyd edək ki, bir müddət əvvəl respublikanın digər ərazilərində olduğu kimi, Sumqayıtda da intensiv yağan yağışlardan sonra bəzi yollarda çökmələr baş vermişdi. Sözügedən ərazilər arasında Koroğlu prospektinin köməkçi hissəsi də yer alıb. Hazırda ərazidə asfaltlanma işləri aparılır.
Digər bir məlumata görə, yaxın günlərdə Çerkkassı küçəsində də asfaltlanma işlərinə başlanılması nəzərdə tutulur.
Xatırladaq ki, aprel ayında yağan yağışlardan sonra sözügedən küçədə yolun çökməsi baş verib və ərazidə uzun müddətdir hərəkət məhdudlaşdırılıb.
Mənbə: Şəmistan Fikrətli
