Sumqayıtda küçələrin birində gecə işıqlandırılması ilə bağlı şikayət var.
Sumqayit24.az-a müraciət edən vətəndaşların sözlərinə görə, Maksim Qorki küçəsində, 38 nömrəli məktəbin arxasında yerləşən ərazidə işıq dirəkləri mövcud olsa da, gecə saatlarında işıqlandırma təmin edilmir.
"İşıq dirəkləri olduğu halda ərazinin qaranlıq qalması anlaşılmazdır. Bu vəziyyət həm sürücülərin, həm də piyadaların hərəkətində ciddi çətinliklər yaradır", - deyə vətəndaş bildirib.
Sakinlər müvafiq qurumlardan məsələ ilə bağlı araşdırma aparılmasını və problemin qısa zamanda aradan qaldırılmasını xahiş edirlər.
