Bakı-Sumqayıt magistralının bir hissəsi yenidən zülmətə qərq olub.
Sumqayit24.az-a müraciət edən şikayətçilərin sözlərinə görə, ötən həftənin ortalarından etibarən magistralın Xırdalan ərazisindən keçən hissəsindən Saray qəsəbəsinə, hətta Ceyranbatan istiqamətinədək işıq dirəkləri yanmır.
Nəticədə xüsusilə axşam və gecə saatlarında yolda hərəkət edən sürücülər ciddi çətinliklərlə üzləşirlər. İşıqlandırmanın olmaması magistralda görünüş məsafəsini azaldır, qəza riskini artırır.
Sakinlər məsul qurumların problemi aradan qaldıracağına ümid edirlər. Onların sözlərinə görə, sözügedən magistralda bu problem ilk dəfə deyil ki, yaşanır.